ЛГБТ-ны насихаттауға қарсымыз: Петицияны қарайтын жұмыс тобының екінші отырысы өтті
«Біз Қазақстанда ЛГБТ-ны ашық және жасырын насихаттауға қарсымыз» петициясын қарайтын жұмыс тобының екінші отырысы өтті, - деп хабарлайды Arbat.media.
«Отырыста мемлекеттік органдардың ресми ұстанымын ҚР ІІМ, ӘМ, ОМ және СІМ өкілдері жариялады. Сондай-ақ, қатысушылар ЛГБТ қозғалысын насихаттауға қатысты халықаралық заңнамалық тәжірибені қарастырды», — деп жазды Мәдениет және ақпарат министрлігінің баспасөз қызметі.
Бірінші отырыста жұмыс тобы мүшелерінің ұстанымы айтылды.
Жұмыс тобының құрамына мемлекеттік органдар өкілдері, Қазақстан Республикасы Парламентінің депутаттары Ермұрат Бапи, Ринат Заитов, Абзал Құспан, Еділ Жаңбыршин, Қазыбек Иса, арыз иесі Бағила Балтабаева, қоғам қайраткерлері Айнұр Жүгінісова, Мақсұтбек Айтмағанбет, Жанар Секербаева, Гүлзада Сержан, БАҚ, сарапшылар Халида Әжіғұлова, Виктория Примак және е-өтініш порталы арқылы жұмыс тобына енуге өтініш білдірген азаматтар енгізілді.
