Қазақстан мен Ресейдің малы цифрланады
Қазақстан сөрелеріндегі ет QR код арқылы таңбаланады, - деп хабарлайды Arbat.media.
Бұл туралы Қазақстан мен Ресейдің XIX Өңіраралық ынтымақтастық форумында Ауыл шаруашылығы вице-министрі Бағлан Бекбауов мәлімдеді.
Қазақстандықтар ол арқылы жануардың туғанынан бастап өнімнің сөреге жетуінің барлық жолын бақылай алады.
“Қазақстандықтар өнімді тұтыну кезінде оның сапасына сенімді болуы керек. Өнімді шығарудан оны пайдалануға дейінгі тізбекте көптеген жайттар көбіне ескерілмей қалады. Енді біз бұл тізбекті қадағалай аламыз. Мысалы, жануар туғанда, оны базаға енгіземіз. Одан кейін вакцина егу, ауруды емдеу (егер ауру болса), малдың бір фермадан басқа фермаға көшуін есепке аламыз. Бұл процестердің барлығы қазір цифрландырылған. Енді ет сатумен айналысатын кәсіпкерлерді тұтынушыларға осы ақпаратты жеткізуді, яғни өнімнің отбасы дастарханына жеткенше қандай жолмен жүріп өткенін көрсетуді міндеттегіміз келеді», - деп түсіндірді вице-министр.
Жоба пилоттық жобада жұмыс істей бастады. QR коды - бұл әрбір тұтас етке бекітілетін арнайы жапсырма. Онда өнім туралы барлық ақпарат көрсетіледі. Алдағы уақытта сатушыларды бөлшек саудада кесілген еттерді таңбалауға міндеттеу жоспарлануда. Бұл схема келесі жылдан бастап күшіне енеді деп шамаланып отыр. .
Вице-министрдің айтуынша, база техникалық жағынан дайын.
Ақпаратты ауыл шаруашылығы министрлігі енгізетін арнайы қосымшаның көмегімен алуға болады. Қазақстандық қосымшаның атауы әлі ойлап табылған жоқ.
“Қосымшаға ерекше көңіл аударуды жоспарламаймыз. Біз халыққа белгілі басқа интерфейстерге интеграцияны енгізгіміз келеді. Бұл, мысалы, «E-gov mobile», «Kaspi» және т.б. Адамдар жаңа нәрсені жүктеп алғанша, ақпаратты сол жерден алу оңайырақ болады деп ойлаймын», - деді Бағлан Бекбауов.
Бюджетке келетін болсақ, бұл мәселемен «Агроөнеркәсіп кешеніндегі экономикалық саясатты талдау орталығы» ЖШС ведомстволық бағынысты ұйымы айналысатындықтан, ақпараттық жүйелерді дамытуға мемлекеттік бюджеттен қосымша қаражат қажет болған жоқ. Ауыл шаруашылығы министрлігі бұл жүйені барлық ет комбинаттары мен басқа да кәсіпорындарға тегін ұсынады.
“Әлеуетті кәсіпкердің шаруа қожалығы болса, иелік ететін барлық құжаттары (төлқұжат, малға екпе егу карталары және т.б.) қарапайым тұтынушы сканерлей алатын QR-кодқа айналады. Бұл қағаздар қазірдің өзінде басып шығарылады, енді олар шағын код белгішесімен ауыстырылады», - деп түсіндірді спикер.
Вице-министр сондай-ақ ресейлік әріптестердің киберқорғаныстағы тәжірибесін атап өтті. Ол Қазақстан үшін өзінің ақпараттың деректерін қорғау маңызды екенін және бұл мәселеде көрші елдердің тәжірибесі пайдалы болатынын айтты.
Еске сала кетсек, бүгін Қостанайда Қазақстан мен Ресейдің XIX Өңіраралық ынтымақтастық форумы өтіп жатыр. Екі елдің президенттері Қасым-Жомарт Тоқаев пен Владимир Путин форумға бейнебайланыс режимінде қатысып отыр.
Форум барысында Ауыл шаруашылығы вицн-министрі Бағлан Бекбауов қазақстандықтар қосымшадағы QR коды арқылы сөрелердегі еттің қайдан шыққаны туралы ақпарат ала алатынын хабарлады.
