Биыл Өзбекстанда миллионға жуық жас жұмыспен қамтылады

Өзбекстан президенті Шавкат Мирзиеев жастарды жұмыспен қамту мәселесіне арналған кеңес өткізді, - деп хабарлайды Arbat.media.

Бұл туралы республика басшысының баспасөз қызметі хабарлайды.

Өзбекстанда жастар мемлекеттің әлеуметтік саясатының басым бағыты болып табылады. «Жастарды жұмыспен қамту бағдарламасы» жүзеге асырылуда, «Бес бастама олимпиадасы», «Мәдениет керуені» және түрлі фестивальдар өткізілуде.

Биыл 925 мың ұл мен қызды жұмыспен қамту жоспарлануда. Сондай-ақ, 300 мыңға жуық жас колледждерде, техникумдарда және жоғары оқу орындарында білім алады.

«Жауапты шенеуніктер жаңа индустриялық жобаларда 100 мың жасты, қызмет көрсету саласында 150 мың жасты, сондай-ақ жұмыс орындарын заңдастыру және өзін-өзі жұмыспен қамту арқылы 200 мың жасты жұмыспен қамтуды жоспарлап отыр», - деп толықтырды баспасөз қызметі.

Жастар бизнесіне жаңа мүмкіндіктер ашылатыны айтылды.

Осы мақсатқа отбасылық кәсіпкерлік бағдарламасы бойынша берілетін несиенің кемінде 40 пайызы бөлінеді.

Сондай-ақ «Жас кәсіпкер» байқаулары өткізіліп, үздік бизнес жобалары мен идеялары бар жеңімпаздар шетелде біліктілігін арттыруға мүмкіндік алады.