Бұрынғы полиция қызметкері ажырасқан күні жұбайын атып өлтірді

Қайғылы оқиға 23 желтоқсанда Қырғызстанның Свердлов ауданында болған, деп хабарлайды Arbat.Media.

Алдын ала мәліметке сәйкес, ер адам көпқабатты үйдегі пәтерде бұрынғы әйеліне бірнеше рет оқ атқан. Әйел алған жарақатынан оқиға орнында көз жұмған.

Белгілі болғандай, ерлі-зайыптылар дәл сол күні ресми түрде ажырасқан. Куәгерлер күдіктінің мас күйде болуы мүмкін екенін айтады, бұл дерек тергеу барысында нақтыланады.

Күдікті ұсталып, уақытша ұстау изоляторына қамалды. Қылмыстық іс «Адам өлтіру» бабы бойынша қозғалды. Марқұмның артында екі баласы қалған.