Өзбекстан мен Жапония бірлескен халықаралық жоғары оқу орнын құруға келісті

Өзбекстанда жапондық білім беру бағдарламасы негізінде жаңа университет ашылады. Болашақ университеттің техникалық-экономикалық негіздемесін әзірлеу үшін екі елдің өкілдерінен бірлескен жұмыс тобы құрылады. Өзбекстан мен Жапония бірлескен халықаралық жоғары оқу орнын құруға келісті. Жаңа университеттің оқу бағдарламасы жапондық стандартпен құрастырылады, - деп хабарлайды Arbat.media.

Келісімге Өзбекстанның Жоғары білім, ғылым және инновациялар министрлігінің басшысы Конгратбай Шарипов пен Цукуба университетінің басшысы Нагата Киосукенің кездесуі барысында қол қойылды. 

Келіссөзге қатысушылар жобаның техникалық-экономикалық негіздемесін дайындауды қолға алатын арнайы жұмыс тобын құру туралы шешім қабылдады. \

Бұл жаңа оқу орнын құрудың барлық аспектілерін егжей-тегжейлі пысықтауға мүмкіндік береді.

Республиканың Инвестициялар, индустрия және сауда министрі Ләзиз Қудратов та жапондық тараппен келіссөздер жүргізді.

Бірыңғай білім беру бағдарламаларын әзірлеу және білім берудің озық технологияларын енгізу перспективаларын талқылады.

Болашақ университеттің кезең-кезеңімен дамуына ерекше көңіл бөлінді.

Жаңа халықаралық университеттің құрылуы Өзбекстанда президент Шавкат Мирзиеев бастаған жоғары білім беру жүйесін кешенді реформалаудың бір бөлігі болып табылады.

Жаңғырту бағдарламасы еліміздегі 116 жұмыс істеп тұрған ЖОО-на әсер етеді және олардың шоғырлануын, мәртебесін қайта қарауды және бакалавриат дайындау бағыттарын оңтайландыруды, оның санын 40%-ға қысқартуды көздейді.