Өзбекстанда ежелгі көшпенділердің бейіті табылды
Өзбекстанда күтпеген жерден ежелгі көшпенділердің бейіті табылды. Одан табылған жерлеу бұйымдары Ю.Ғұломов атындағы Самарқанд археологиялық институтына жеткізілді. 2024 жылдың маусым айында құрылысшылар Ташкент облысындағы «Кумушкон» шаруа қожалығына апаратын жолды салу кезінде көне қорым қалдықтарына тап болды, - деп хабарлайды Arbat.media.
Оқиға орнында жүргізілген алғашқы қазу жұмыстары кезінде коррозиядан қатты зақымданған сүйек сынықтары мен темір қылыш анықталды.
Құрылыс жұмыстарының бастапқы кезеңінде жұмысшылар әдеттен тыс терең шұңқыр тапты.
Ары қарай тексеру бұл шұңқырдың жерасты жерлеу камерасы екені анықталды. Ішінен қылыш пен сүйек қалдықтары ғана емес, қола сақина, керамикалық ыдыстар мен булла мөрі де табылды.
Ғалымдардың алдын ала болжамы бойынша, жерлеу біздің заманымыздың 1 мыңжылдығына жатады.
Археологтардың пайымдауынша, бейіт сол кезде өңірде өмір сүрген көшпелі малшылардың біріне тиесілі болуы мүмкін.
Табылған жәдігерлердің барлығы Ю.Ғуломов атындағы Самарқанд археологиялық институтына жіберіліп, олар егжей-тегжейлі зерттеліп, талдаудан өтеді.
Қазіргі уақытта Өзбекстанның Мәдени мұра мемлекеттік агенттігінің басшылығымен қазба жұмыстары қызу жалғасуда.