Өзбекстанда IIMEI-кодты өзгертіп, көшіргенге айыппұл салынады

Өзбекстан президенті Шавкат Мирзиеев мобильді құрылғылардың IMEI-кодын заңсыз өзгерткені және көшіргені үшін жаза белгілейтін Әкімшілік жауапкершілік кодексіне өзгерістер енгізу туралы заңнамаға түзетуге қол қойды, оны құзырлы органдар бекітті, - деп хабарлайды Arbat.media.

Бұл туралы Gazeta.uz басылымы хабарлады.

Жаңа ережеге сәйкес, заңды бұзғаны үшін, яғни өндірушінің ресми рұқсатынсыз мобильді құрылғының халықаралық бірегей сәйкестендіру кодын өзгерткені үшін 15-тен 20-ға дейінгі негізгі есептік мәнге дейін айыппұл қарастырылған. Сондай-ақ сәйкестендіру модулін өзгерту немесе көшіру үшін 20 негізгі есептік мәнге дейін айыппұл салынады.

Бұл заңнамалық өзгерістер цифрлық технологияларды қолдану арқылы жасалатын қылмыстардың жаңа түрлерімен күрес аясында жүзеге асырылды.

Үш айдан кейін күшіне енетін жаңа бап ұялы байланыс саласындағы заңсыз әрекеттердің алдын алуға бағытталған.