Қырғызстан сыртқы сауданы ұлттық валютамен дамытуды көздеп отыр

Қырғызстан сыртқы сауданы ұлттық валютамен дамытуды көздеп отыр. Елдің Министрлер кабинетінің басшысы егер елдер мұндай стратегияны ертерек ұстанса, барлығына тиімді болатынын айтты, - деп хабарлайды Arbat.media.

Қырғызстан Министрлер кабинетінің төрағасы Ақылбек Жапаров Ресеймен саудада ұлттық валютаны қолдануға көшу және криптовалютаны пайдалану мүмкіндігі қажет деп санайды. Саясаткер ұлттық валюталармен сауда жасау екі тарапқа да тиімді болады деп отыр. 

Ол бұл идеяның осыдан он жыл бұрын Ыстықкөлде өткен форумда айтылғанын атап өтті.

Жапаров мұндай тәсіл долларды пайдаланбай екі елдің ішкі ұстанымдарын нығайтуға көмектесетінін баса айтты.

Сондай-ақ саясаткер заман ағымына ілесіп, жаңалықтардан қалмаудың маңыздылығын атап өтті.

Ол криптовалюта нарығының соңғы жылдары айтарлықтай өскенін, Ұлттық банк қазірдің өзінде криптовалютаны пайдалануға 63-тен астам лицензия бергенін баса айтты.

Сандық валюта арқылы басқа елдермен, соның ішінде Ресеймен сауда бар.