Қырғызстанда жатақханадағы тәртіпсіздіктерге қатысушылар ұсталып жатыр

Қырғызстанда жатақханадағы тәртіпсіздіктерге қатысушылар ұсталып жатыр. 21 және 25 жастағы тәртіп бұзушыларға жаппай тәртіпсіздік пен бұзақылық жасағаны үшін қылмыстық іс қозғалды. Қырғызстандағы шетелдік студенттер жатақханасына кіріп,тәртіпсіздік жасаған бір топ жасты полиция ұстады, - деп хабарлайды Arbat.media.

Республика Ішкі істер министрлігінің мәліметінше, оқиға 18 мамырда белгісіз біреулер шетелдік студенттер тұратын тұрғын үй кешеніне күштеп кіріп кеткен кезде болған.

Олар еш себепсіз есіктерді бұзып, адамдарға шабуыл жасаған.

Тіпті тәртіп сақшылары бейберекетті бірден тоқтата алмады.

Бұған дейін бұзақылық және тәртіпсіздік баптары бойынша қылмыстық істер қозғалған.

Қазір 21 және 25 жастағы екі күдікті қамауда, тағы он адамға айып тағылды.

Тергеу оқиғаға кінәлілердің бәрін анықтауды жалғастыруда.

Бұған дейін Қырғызстан Министрлер кабинеті төрағасының орынбасары Еділ Байсалов елдегі 18 жоғары оқу орнының ректорларымен кездесті.

Келіссөзде шетелдік студенттерге арналған жатақханада орын алған оқиғалар мен тәртіпсіздіктер талқыланды. Барлық зардап шеккендерге материалдық өтемақы төленетіні айтылды.