Тәжікстан мен Кувейт энергетика саласындағы байланыстарды нығайтуға ниетті
Тәжікстан мен Кувейт энергетика саласындағы байланыстарды нығайтуға ниетті. Тиісті жобаларды Кувейт Араб экономикалық даму қоры қаржыландырады. Тәжікстан президенті Эмомали Рахмон Кувейт Араб экономикалық даму қорының бас директоры Валид әл-Бахармен кездесті. Келіссөздер негізінен энергетика саласындағы ынтымақтастықты дамыту мәселелеріне қатысты болды, - деп хабарлайды Arbat.media.
Кездесуде Тәжікстан мен Кувейт қоры арасындағы ынтымақтастықты жалғастыру мәселелері талқыланды. Республика қордың арқасында автомобиль жолдарын салу, электр және ирригациялық жүйелерді қалпына келтіру сияқты негізгі инфрақұрылымдық жобаларды қаржыландыруда.
Президент Тәжікстан халқы мен өңірді «жасыл энергиямен» қамтамасыз ету үшін белсенді түрде күш салып жатқанын, сондай-ақ «жасыл» экономиканы дамыту бойынша жұмыс істеп жатқанын атап өтті.
Тараптар жаңартылатын энергия секторына, атап айтқанда гидроэнергетикаға және елдің электр энергетикасы инфрақұрылымын жақсартуға Кувейт инвестициясын тартудың маңыздылығын талқылады.
Рахмон білім, денсаулық сақтау және көлік салаларындағы инвестициялық жобаларды қаржыландыру көлемін арттыру мәселесін көтерді.