Тәжікстанда балаға жыныстық зорлық-зомбылыққа жаза қатаңдатылды

Тәжікстанда кәмелетке толмағандарға жыныстық зорлық-зомбылық көрсеткені үшін жазаны қатайтатын Қылмыстық кодекске түзетулер қабылданды, - деп хабарлайды Arbat.media.

Түзету он төрт жасқа толмаған екі немесе одан да көп балаға қатысты әдепсіз әрекеттер үшін жауапкершілікті қарастырады. 

Ел парламенті кәмелетке толмағандарға қатысты жыныстық қылмыстармен күресуге бағытталған өзгерістерді мақұлдады. Тәжікстан президенті Эмомали Рахмон Қылмыстық кодекстің 142-бабына өзгерістер енгізілген құжатқа қол қойды.

Бұрын әдепсіз әрекеттер туралы бап кәмелетке толмағандарға қарсы қылмыс жасаған адамдарға жазаны белгілейтін екі бөлікті қамтыған. Енді осы бапқа «ан төрт жасқа толмаған» екі немесе одан да көп адамға қатысты әдепсіз әрекеттер жасағандарға қатысты үшінші бөлік қосылды.

«Осы баптың бірінші және екінші бөліктерінде көзделген іс-әрекеттер <...> белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, бес жылдан сегіз жылға дейінгі мерзімге бас бостандығынан айыруға жазаланады», — делінген Тәжікстанның Қылмыстық кодексінің жаңартылған бында.