Жапонияда Сакурадзима жанартауы атқылады

Жапонияда Сакурадзима жанартауы атқылады. Бұл туралы Kyodo агенттігі ақпарат таратты, деп хабарлайды Arbat.Media.

Ақпаратқа сәйкес, Жапонияның оңтүстігіндегі Кагосима шығанағындағы түбекте орналасқан Сакурадзима жанартауы жергілікті уақыт бойынша 00:57-де атқылаған. Күл бағаны шамамен 4 400 метр биіктікке көтерілген.

Алдын ала мәлімет бойынша зардап шеккендер немесе қайтыс болғандар жоқ. Жақын маңдағы елді мекендердегі ғимараттарға зақым келмеген.

Айта кетейік, Сакурадзима – Жапониядағы ең белсенді жанартаулардың бірі. 2016 жылдың ақпанынан бері оның кратеріне кіруге шектеу қойылған.