«Жақсы ұсыныс бар»: Лукашенко Зеленскиймен сөйлесуге дайын

Александр Лукашенконың айтуынша, Украина бойынша "үстелде жақсы ұсыныс бар", деп хабарлайды Arbat.Media DW-ге сілтеме жасап.

«Келісімге келмесек, бәріне жаман болады», – деп атап өтті Беларусь басшысы Кремльде Владимир Путинмен кездесуден кейін.

Беларусь басшысы Александр Лукашенко Украина президенті Владимир Зеленскиймен сөйлесуге дайын екенін айтты. Бұл туралы ол «Россия 1» телеарнасының тілшісі Павел Зарубинге берген сұхбатында мәлімдеді. Әңгімеден үзінділерді Зарубин жұма күні, 26 қыркүйекте, өзінің Telegram-арнасында жариялады.

«Менің оған (Зеленскийге – Ред.) айтарым бар», – деді Лукашенко. «Ойлаймын, бізге кеңесетін уақыт келді. «СВО» (Ресей билігі мен прокремльшіл БАҚ Украинадағы соғысты осылай атайды – Ред.) басында айтқанмын – біз, үш славян мемлекетінің басшылары, отырып, келісімге келуіміз керек. Осы түсініксіз соғысты аяқтау туралы келісуіміз қажет. Егер келіспесек – бәрімізге қиын болады», – деді Лукашенко.