Мәскеуде пойыздың 7 вагоны рельстен шығып кетті

Мәскеу — Челябинск бағытында пойыздың вагондары рельстен шығып кетті. Зардап шеккендер бар, деп хабарлайды Arbat.Media.

Ресей темір жолдары ресми Telegram-арнасының хабарлауынша, 3 сәуір күні таңертең Бряндино станциясы маңында №302 Мәскеу – Челябинск жолаушылар пойызының жеті вагоны рельстен шығып кеткен.

«Зардап шеккендер туралы ақпарат нақтыланып жатыр. Оқиға орнына жедел қызметтер жіберілді. Аталған учаскеде қозғалыс уақытша тоқтатылды. Салдарды жою үшін Ульяновск, Бугульма, Сызрань және Рузаевка станцияларынан қалпына келтіру пойыздары жөнелтілді», деп хабарлады Ресей темір жолдары.

Оқиғаның себептері анықталуда. Компания басшысы Олег Белозеров жетекшілік ететін жедел штаб құрылды.