Ресейдегі “Яндекс” орталығына шабуыл жасалды

Ресейдегі «Яндекс» деректер орталықтарына жасалған шабуылдардан кейін техникалық ақаулар Қазақстанды қоса алғанда, кем дегенде алты елге әсер етті. Компанияның платформасы апаттық режимге көшті, ,деп хабарлайды Arbat.Media.

Жағдай Yandex Cloud-тың екі аймағының бір мезетте қолжетімсіз болуымен күрделене түсті. Яғни, басқа компаниялардың сайттары, қосымшалары мен дерекқорлары жұмыс істейтін серверлердің екі ірі тобы істен шықты.

Дерекқорлардың бір бөлігі жаңа ақпаратты қабылдауды тоқтатты, бұлттық қоймада қателер пайда болды. Мониторинг құралдарының кейбірі қолжетімсіз болып қалды. «Яндекс» клиенттерге қалған инфрақұрылым тұрақсыз жұмыс істеп тұрғанын ескертіп, резервтік алаңдарды пайдалануға кеңес берді. Соңғы жарияланған жаңартуларға сәйкес, функциялардың бір бөлігін қалпына келтіру мүмкін болды, бірақ кейбір сервистер шектеулермен жұмыс істеуді жалғастыруда.

Ауқымды техникалық ақаулар аясында Қазақстандағы «Додо Пицца» желісі де іркіліс туралы хабарлады. Компанияның сайты мен мобильді қосымшасы істемей қалды. Клиенттер жеткізуді, өзі алып кетуді рәсімдей алмады, тіпті пиццерияның өзінде тапсырыс бере алмады.

Компания тамаққа ақшасын төлеп қойып, бірақ ала алмағандарға тексерістен кейін қаражатын қайтаратынына уәде берді.