Ресейде жанармай дағдарысы күшейді

Бензин мен дизель отынын сатуға шектеу елдің негізгі мұнай өндіретін аймағы – Ханты-Мансийск автономиялық округінде енгізіліп отыр, деп хабарлайды Arbat.Media.

«Газпромнефть» жанармай құю бекеттерінде бір адамға 40 литр бензин, 80 литр дизель отынын құюға ғана рұқсат беріледі. Сонымен қатар, алдын ала төлем жасау талап етіледі.

Жалпы алғанда, мұндай шектеулер Ресейдің 50-ден астам өңірінде енгізілгені белгілі болды. Reuters агенттігінің жазуынша, мамырда болған шабуылдар салдарынан Ресейдің орталық бөлігіндегі ірі мұнай өнеркәсібі нысандарының дені өндірісті қысқартуға немесе жұмысын уақытша тоқтатуға мәжбүр болған.