3,3 мың адамды өлтірген: Германияның 98 жастағы тұрғынына айып тағылды

Германияда 3300 адамның өліміне қатысы бар деген айыппен 98 жастағы қария сотталады, - деп хабарлайды Arbat.media.

Бұл туралы Deutschlandrundfunk радиостанциясы хабарлайды.

Ол Заксенхаузен концлагерінің бұрынғы қызметкері болған.

Германияның Гиссен қаласының прокуратурасы Майн-Кинциг ауданының тұрғынын айыптады.

Сараптама 98 жастағы ер адамды қылмыстық қудалауға жартылай жарамды деп таныды.

Оның 1943-1945 жылдары СС күзетшісі қызметін атқара жүріп, Заксенхаузен концлагерінде мыңдаған тұтқындарды өлтіруге көмектескені анықталды.

Қылмыс жасаған кезде айыпталушы кәмелетке толмаған, яғни оған қылмыстық заңнаманың тиісті нормалары қолданылады.