Алапат өрт 83 адамның өмірін қиды

Гонконгтағы өрт салдарынан қаза тапқандар саны 83 адамға жетті, деп хабарлайды Arbat.Media.

Бұл туралы South China Morning Post басылымы мәлімдеді. Жүздеген адам әлі із-түссіз жоғалғандар тізімінде.

Қаза тапқандардың арасында бір өрт сөндіруші бар. Құтқару жұмыстары жалғасып жатыр.

Гонконг билігі өртке байланысты үш адамды абайсызда кісі өлтіру күдігімен ұстағанын хабарлады. Полицияның мәліметінше, күдіктілер 52 мен 68 жас арасындағы ер адамдар, олар кешенде жөндеу жұмыстарын жүргізген құрылыс компаниясында жұмыс істеген.