АҚШ Ресей авиакомпаниясы мен әскери-өнеркәсіптік кешен кәсіпорындарына санкция салды

АҚШ қаржы министрлігі Ресейдің «Победа» авиакомпаниясы мен ресейлік әскери-өнеркәсіптік кешен кәсіпорындарына қарсы санкция салды. АҚШ Ресей Федерациясына қарсы санкциялар тізімін кеңейтіп, 29 жеке және 250-ден астам заңды тұлғаны қамтыды, - деп хабарлайды Arbat.media.

Оның ішінде Ресейдің «Победа» ірі әуе компаниясы да санкцияға ұшырады.

Тізім АҚШ Қаржы министрлігінің сайтында жарияланған.

Министрлік Ресейдің әскери-өнеркәсіптік кешенінің кәсіпорындары, соның ішінде химиялық және биологиялық қару жасаумен байланысты кәсіпорындар санкциялардың маңызды нысанасына айналғанын атап өтті.

Бұған қоса, АҚШ Ресейге қарсы санкциялық режимді бұзды деп айыптап отырған Қытай, Түркия, Словакия, Бельгия және Қырғызстан компанияларына да санкция салынды.

Екінші реттік деп аталатын санкциялар жеке тұлғалардың тізімге енуіне әкелді.

Ресейлік компаниялардан Болхов жартылай өткізгіш құрылғылар зауыты, Фрязинск электр транзисторлар зауыты, Зеленоград протон зауыты, Ресей Қорғаныс министрлігінің 48-ші ғылыми-зерттеу институты, Брянск автомобиль зауыты, Томск электротехникалық зауыты және басқа да ондаған кәсіпорынға санкция берілді.

Санкциялық тізімге «Нефтегазстрой» және «ВНИПИгаздобыча» отын-энергетикалық кешенінің кәсіпорындары да енгізілген.