АҚШ Украинаға тағы бір Patriot әуе қорғанысы батареясын беруі мүмкін - Bloomberg

Ақ үй Украинаға радарлары бар қосымша Patriot әуе қорғанысы батареясын жіберу бойынша жұмыс істеп жатыр, деп хабарлады Bloomberg агенттігнің дереккөздері. Айтуынша, Украинаның еуропалық одақтастары Киевке өз қорынан қосымша әуе қорғаныс жүйелерін жіберуді де талқылап жатыр, - деп хабарлайды Arbat.media.

Patriot үшін қаражат Конгресс жақында мақұлдаған 61 миллиард долларлық көмек пакетінен түсуі мүмкін, деп болжайды Bloomberg.

Бұған дейін Владимир Зеленский Киевке сапармен келген Мемлекеттік хатшы Энтоний Блинкенге Украинаға Ресейдің жаңа шабуылының нысанасы болған Харьков үшін ғана екі "Патриот" жүйесі қажет екенін айтқан.

Сәуір айының ортасында Германия Украинаға тағы бір Patriot әуе шабуылына қарсы қорғаныс жүйесін берді, бұл толық ауқымды соғыс басталғаннан бері үшіншісі.

Өткен аптада Румыния президенті Джо Байденмен кездесуден кейін «Патриот» әуе қорғаныс жүйесін Украинаға беру мүмкіндігін де қарастыратынын айтты.

The Wall Street Journal басылымының хабарлауынша, Украинаның әуе қорғанысы соңғы айда ресейлік әскерлер ұшырған зымырандардың 30 пайызын ғана атып түсіре алған.

Сонымен қатар, соңғы жарты жылда Украина қарулы күштерінің Әскери-әуе күштері зымыран шабуылдарының орташа есеппен 46%, ал алдыңғы алты айда 73% тойтарған.