Билл Гейтс Эпштейнмен байланысы туралы мәлімдеме жасады

Microsoft компаниясының негізін қалаушы Билл Гейтс АҚШ Конгресінде Джеффри Эпштейн ісіне қатысты тергеу аясында жауап берді, деп хабарлайды Arbat.Media.

Миллиардер Эпштейнмен бұрын араласқанын растағанымен, оның қандай заңсыз әрекеттерге қатысы барын толық білмегенін айтты.

Reuters мәліметінше, Гейтс Эпштейн тарапынан ешқандай заң бұзушылықты өз көзімен көрмегенін жеткізген. Сонымен қатар, ол қаржыгердің жеке өміріне қатысты ақпараттарды пайдаланып, өзіне қысым көрсетуге әрекеттенгенін мәлімдеді.

«Эпштейн менің жеке өміріме қатысты мәліметтер мен шындыққа жанаспайтын ақпараттарды пайдаланып, байланысымызды қайта жалғастыруға ықпал етуге тырысты», – деді Гейтс.

Ол АҚШ Өкілдер палатасының Бақылау және үкіметтік реформа жөніндегі комитетінде куәлік берді. Қазіргі уақытта комитет Эпштейн ісі бойынша тергеу барысын, федералдық органдардың әрекеттерін және оның серіктесі Гислейн Максвеллге қатысты мәселелерді зерттеп жатыр.