Бүкіл ферма су астында қалған

Бременге жақын Тиммерслох ауылындағы үлкен ферма су астында қалды. Жергілікті өрт сөндіру қызметі өкілдерінің айтуынша, су үй ішіндегі барлық бөлмені басып кеткен, - деп хабарлайды Arbat.media.

Осы фермада тұратын үш адамнан тұратын отбасы Рождество күні үйлерінен көшірілді. 200-ге жуық жануарды да қауіпсіз жерге жеткізуге тура келді.

«Жиһазды енді сақтау мүмкін емес. Оның бәрі ісінген. Бізге тез арада үйден суды шығару керек, әйтпесе қабырғалар шіріп кетеді», - дейді ерікті өрт сөндіру бригадасынан Ганс-Людер Беренс.

Қазір құтқарушылар суды үйден шығару үшін арнайы сорғылар орнатуға тырысуда. Әйтсе де, мәселе, айналадағы егіс алқаптары мен жолдың барлығын да су басып жатыр.

Неміс ауа райы қызметінің хабарлауынша, алдағы күндері Бременде жаңбыр жауады.