Экс-президентке қатерлі ісік диагнозы қойылды

Джо Байденге обыр ауруының диагнозы қойылды, деп хабарлайды Arbat.media.

АҚШ-тың бұрынғы президенті Джо Байденге простата обыры диагнозы қойылды. Бұл туралы АҚШ-тың бұрынғы президентінің кеңсесі мәлімдеді. Диагноз 16 мамыр, жұма күні дәрігерлер тексеруден қуық асты безінің «кішкентай түйінін» тапқаннан кейін қойылған. Аурудың сүйек метастаздары бар простата обыры екені анықталды.

"Бұл аурудың неғұрлым агрессивті түрі болғанымен, қатерлі ісік гормондарға сезімтал болып көрінеді, бұл оны тиімді емдеуге мүмкіндік береді",- деді Байденнің баспасөз хатшысы.

Байден және оның отбасы дәрігерлермен бірге емдеу әдістерін зерттеп жатыр.

АҚШ президенті Дональд Трамп желіде экс-басшының ертерек жазылуына тілектес екенін жазды.