Германия палестиналық жазушыға сыйлық бермейтін болды

Германия палестиналық жазушыға сыйлық бермейтін болды, - деп хабарлайды Arbat.media.

Батыс Германия палестиналық жазушыға сыйлық бермейді

Хамастың Израильге жасаған шабуылы 18 қазанда ашылатын Франкфурт кітап көрмесінің бағдарламасын өзгертті.
Онда олар палестиналық жазушы Аданья Шиблиге «Болмашы нәрсе» романы үшін сыйлық тапсыратын болған.
Бірақ марапаттау рәсімі өтпей қалды.

Тaz газеті Шиблидің романында «Израиль мемлекетін өлтіру машинасы ретінде суреттейтінін», онда барлық израильдіктердің зорлаушы және қанішер, ал палестиналықтар басқыншылық құрбаны ретінде көрсетілгенін жазды.

Алайда Израильдің бейбіт тұрғындарына қарсы зорлық-зомбылық туралы мүлдем айтылмайды, бұл азаттық күресінің заңды құралы ретінде қарастырылғандықтан шығар, делінген мақалада.

«Израильді өлтіруші машина ретінде суреттейтін роман осы күндері жүлдеге лайық бола ала ма?» — деп сұрады Цюрихтен шығатын Tagesanzeiger газеті.

Сыншылар романдағы антисемиттік әңгіме туралы да айтты.

Бірақ Франкфурт кітап жәрмеңкесін ұйымдастырушылардың шешімімен бәрі бірдей келісе қойған жоқ.

PEN Berlin авторлар қауымдастығы «жаңалықтардағы жағдай өзгеретіндіктен бірде-бір кітап басқаша, жақсы, нашар немесе қауіпті болып өзгеріп кетпейді» деп санайды.

Сонымен қатар, кітап жәрмеңкесінің директоры Юрген Боос Израильмен толық ынтымақтас екенін айтып,  ұйымдастырушылар «еврейлер мен израильдіктердің дауысын ерекше көрнекі еткісі келеді» деп мәлімдеді.