Германия сарапшылары: Путин «Крокус» лаңкестік әрекетін репрессияны күшейтуге пайдаланып отыр
Путин «Крокус» лаңкестік әрекетін репрессияны күшейту үшін пайдаланып отыр, дейді Германия сарапшылары. Кремль бұл шабуылды «ішкі тазартулар жүргізу үшін және ел ішінде де, одан тыс жерлерде де бұдан да зор қатыгездік пен адамгершілікке жатпайтын әрекеттерді ақтау үшін» пайдаланып отыруы мүмкін», - деп келтіреді Bild am Sonntag Мюнхен қауіпсіздік конференциясының қатысушысы Нико Лангенің сөзін, - деп хабарлайды Arbat.media.
Оның пікірінше, Ресей билігі бәрінің назарын Путиннің сәтсіздігінен басқа жаққа аудару үшін Батыс барлау агенттіктерін, Украина мен НАТО-ны айыптайды.
Саясаттанушы Томас Егер Мәскеу бұл лаңкестік әрекетті Ресейді қауіп төніп тұрған, жаулары жан-жағынан қоршап тұрғандай етіп көрсету үшін пайдаланады деп санайды.
Оның пікірінше, бұл ел ішінде қуғын-сүргіннің күшеюін, ал Ресей Федерациясынан тыс жерде - Украинадағы қарқынды әскери операцияларын білдіреді.
Сонымен қатар, Егер демократиялық мемлекеттерге қарсы жалған ақпарат тарату науқанының күшеюін жоққа шығармайды.
Христиан Демократиялық Одағының қауіпсіздік жөніндегі сарапшысы Родерих Кизеветтер Ресей билігі "Крокуста" өзге елдің жалауын пайдаланып операция жүргізуі мүмкін дейді.
Кизеветтер қазір Ресейде мобилизацияның жаңа толқыны күтілетінін айтады.
«Украина ізі» туралы айтқанда, Кремль бұл лаңкестік шабуылды соғыс жүргізу үшін тактикалық түрде пайдаланып отыр», - деп санайды ХДО сарапшысы.