Германия Украинаға Taurus зымырандарын беруге әлі дайын емес

Германия әлі күнге дейін Украинаға Taurus ұзақ қашықтыққа ұшатын зымырандарын беруге дайын емес, - деп хабарлайды Arbat.media. 

Бұл туралы журналистерге Германия үкіметінің ресми өкілі Штеффен Хебештрайт мәлімдеді.

«Біз "Таурусты" Украинаға әлі жеткізбейміз, бірақ біз жағдайдың дамуын мұқият қадағалап отырмыз», - деді ол.

Сонымен бірге Хебештрайт Германия үкіметінің Ресейдің Украина қалаларына жасаған соңғы шабуылдарын айыптайтынын және оларды әскери қылмыс деп санайтынын баса айтты.

Хебештрайт Украина армиясының Белгородқа шабуылына қатысты пікір білдіруден бас тартты.

Бұған дейін Польша Сыртқы істер министрлігінің басшысы Радослав Сикорскийи Ресейдің жаппай зымыран шабуылдарына жауап ретінде Украинаға ұзақ қашықтықтағы зымырандарды көбірек беруге шақырған.