Гонконгтағы жантүршігерлік өрттен қаза тапқандар саны 128-ге жетті

26 қарашада Гонконгтағы Wang Fu Court тұрғын үй кешенінде тұтанған өрттен 128 адам қаза тапты, деп хабарлайды Arbat.Media.

Алапат өрт тез таралып, кешеннің барлық сегіз ғимаратын қамтыды.

Құтқарушылар кешеннің жоғарғы қабаттарында жете алмады. Олар өртпен тәулік бойы күресті. Қаза тапқандардың арасында бір өрт сөндіруші бар. Құтқару жұмыстары жалғасып жатыр.

Полиция өрттің себептерін анықтау үшін қылмыстық тергеуді бастады.

Гонконг билігі өртке байланысты үш адамды абайсызда кісі өлтіру күдігімен ұстағанын хабарлады. Полицияның мәліметінше, күдіктілер 52 мен 68 жас арасындағы ер адамдар, олар кешенде жөндеу жұмыстарын жүргізген құрылыс компаниясында жұмыс істеген.