Грузия парламенті «шетел агенттері» туралы заңға қойылған ветодан бас тартты

Грузия парламенті «шетел агенттері» туралы заңға қойылған ветодан бас тартты. Биліктегі «Грузин арманы» партиясының 84 депутаты ел президенті Саломе Зурабишвилидің «Шетелдік ықпалдың ашықтығы туралы» заңына қойған ветосын алып тастауға дауыс берді. Ветодан бас тарту үшін 76 дауыс жеткілікті болды, - деп хабарлайды Arbat.media.

Парламент спикері Шалва Папуашвили де «Грузин арманы» атынан шығып, шетелдік агенттер туралы заңның қабылдануы «грузин халқының мүддесі үшін» екенін айтты.