ИГИЛ Ирандағы Сүлеймани бейітінің маңындағы шабуылды өз мойнына алды
ДАИШ лаңкестік ұйымының мәліметінше, оның екі мүшесі өзін-өзі жарып жіберген. Мәлімдемеде лаңкестердің көпшіліктің ортасында жарылғыш белбеулерді іске қосып, «300-ден астам шиит мүшриктерін өлтіріп, жаралағаны» айтылған, - деп хабарлайды Arbat.media.
Бұл лаңкестік әрекеттің бүгін ДАИШ өкілі Әбу Худайфа әл-Ансари жариялаған «Оларды қай жерде тапсаң да, өлтір» науқаны аясында жасалғаны атап өтілді.
Әл-Ансари бұған дейін барлық палестиналықтарды Израильге және оның одақтастарына қарсы Аллаһтың атымен «жалпы жиһадты» насихаттауға шақырған.
Керман қаласындағы зират жанында болған екі жарылыс салдарынан 80-нен астам адам қаза тауып, кем дегенде 280-і жараланды, деп хабарлайды ирандық БАҚ.
2024 жылдың 3 қаңтарында генерал Сүлейманидің қайтыс болғанына төрт жыл толады.
2020 жылдың 3 қаңтарында Иракта АҚШ-тың ұшқышсыз ұшағы соққысынан Ислам революциясы Сақшылар корпусының (ИРГК) шетелдік бөлімшелерінің қолбасшысы қаза тапты.