Израиль мен Газа секторындағы қазіргі жағдай

Arbat.media Израиль мен Газа секторындағы жағдайды хабарлайды. 

. Бұл сағатта ең бастысы:

Израиль әскерилері Газа секторымен шекарадағы қоршауды бақылау толығымен қалпына келтірілді деп мәлімдеді. Дегенмен бірнеше Хамас лаңкестері ішке еніп, Израильде қалуы мүмкін, деп жазады The Times of Israel.

Беньямин Нетаньяху ХАМАС террорына «сұмдық» жауап қайтаратынын мәлімдеді. Түнде Газа секторында 200-ден астам нысанаға шабуыл жасалды, деп хабарлайды Al Jazeera. Жергілікті шенеуніктер жаралыларға медициналық көмек көрсету үшін қауіпсіз дәліз ашуды талап етуде, деп жазады басылым.

Израиль әскерилері ХАМАС содырлары Израиль аумағына кірген екі туннельді атқылады деп хабарлады. Баяндамада бұл туннельдердің қай жерде екені айтылмайды, бірақ ХАМАС қару-жарақ тасымалдау үшін Газа секторынан Мысырға жерасты байланыс желісін құрғаны белгілі болды.

Израильге жасалған лаңкестік әрекеттің жоспары ХАМАС-тың бірнеше адамына ғана белгілі болса керек және шабуылды алты қолбасшы ұйымдастырған, деп хабарлайды Бейруттен AP ақпарат агенттігі қозғалыс мүшелерінің біріне сілтеме жасап.

Израиль блокада жариялағаннан кейін Газа секторында БҰҰ-ның 13 мыңға жуық қызметкері қалды. Мұнда 137 мыңға жуық адам БҰҰ-ның баспаналарын паналайды. Израиль әскері Газа секторына соққы беруін жалғастыруда.