Израиль жасанды сиыр етінен жасалған стейкті сатуға рұқсат берді

Израиль жасанды сиыр етінен жасалған стейкті сатуға рұқсат берді. Сиыр еті Калифорниядағы ферманың Люси есімді қара ангус сиырының ұрықтанған жұмыртқасынан алынған жасушадан өсірілетін болады, - деп хабарлайды Arbat.media.

Бұл туралы Tanym Media телеграм арнасы жазады. 

Тиісті органдар компанияның маркировкасын мақұлдап, тағы бір тексеріп шығады.

Бірер айдан кейін дайын өнім тұтынушыларға жетеді.

Жалпы алғанда, әлемде 150-ден астам компания зертханада ет әзірлейді.

Бұл экология үшін тиімді дейді олар.

Мұндай ет үлкен шойын резервуарларда өсіріледі. Кәдімгі тірі жануардан алынған жасушалар (клетка) арнайы қоректік заттарға қосылып, кесек-кесек етке айналады. Сонымен, стейк дайын.

Сарапшылардың айтуынша, алдағы уақытта мал аурулары көбейеді.

Экологияның жайы да белгілі.

Бірте-бірте бүкіл адам вегетарианға айналуы немесе жасанды ет жеуге көшуі ғажап емес.