КХДР Сыртқы істер министрі Ресейге сапармен келеді

KCNA мемлекеттік ақпарат агенттігінің мәлімдеуінше, Солтүстік Кореяның сыртқы істер министрі Чхве Сон Хи дүйсенбіде келеді деп күтілуде, - деп хабарлайды Arbat.media.

Хабарламаға сәйкес, ол 17 қаңтарға дейін Ресейде болады.

Сапар Ресей Сыртқы істер министрі Сергей Лавровтың шақыруымен өтеді.

Барлау деректеріне сілтеме жасай отырып, Америка Құрама Штаттары Солтүстік Кореяны Ресейге баллистикалық зымырандар мен ұшыру қондырғыларымен қамтамасыз етті деп айыптайды.

Солтүстік Корея мен Ресей үкіметтері қару-жарақ туралы келісімнің бар екенін жоққа шығарды, бірақ әскери ынтымақтастықты тереңдетуге ниетті екенін мәлімдеді.