Латвияда ресейлік нөмірлі көліктер тәркіленіп, Украинаға беріледі

Ресейде тіркелген автокөліктер Латвияда транзитпен және тек бір рет елден өткен жағдайда ғана көше қозғалысына қатыса алады, оған сәйкес түзетулер күшіне енді, - деп хабарлайды Arbat.media.

Латвиядағы ресейлік нөмірлі көлік иелері 14 ақпанға дейін көлігін жергілікті мекенжайға тіркеп немесе елден алып шығуы керек.

Әйтпесе билік көлікті тәркілеуге құқылы. Сонымен қатар ресейлік нөмірі бар көлікті заңсыз басқарғаны үшін 750-ден 2000 еуроға дейін айыппұл салынады.

Латвия үшін міндетті халықаралық стандартқа сәйкес артықшылық пен иммунитетке ие автокөлік иесіне, сондай-ақ дипломатиялық өкілдіктер мен халықаралық ұйым автокөліктеріне ерекшеліктер жасалады.

Тәркіленген Ресей нөмірі бар көліктер Украинаның басқыншы елге қарсы күресіне қолдау ретінде беріледі.

2023 жылдың 12 қыркүйегінен бастап Латвияға ресейлік нөмірлі көліктердің кіруіне тыйым салынады.

Сол күні бұл тыйым Литвада күшіне енді.

Эстония шектеулерге бір күннен кейін, 13 қыркүйекте қосылды.

Балтық елдері бұл шараны Еуропалық комиссия 8 қыркүйекте жариялаған Ресей Федерациясына салынған санкцияларды одан әрі нақтылау туралы директивамен түсіндірді, оған сәйкес Ресейде тіркелген көліктерге ЕО аумағына кіруге тыйым салынады.