МАГАТЭ басшысы: Курск АЭС-те ядролық оқиға орын алу қаупі бар

МАГАТЭ басшысы Курск АЭС-те ядролық оқиға орын алу қаупі бар дейді. Курчатов қаласында орналасқан электр станциясының реакторы Чернобыль атом электр станциясымен бірдей. Рафаэль Гросси журналистерге берген сұхбатында, оған арнайы қорғаныс жоқ, және «осы реактордың өзегіне соққы немесе қандай да бір сыртқы әсер» болған жағдайда «радиацияның бөлінуімен бірге ядролық оқиға» болуы мүмкін деді, - деп хабарлайды Arbat.media.

Ол халықаралық қауымдастықты мұндай жағдайда станцияға шабуыл жасауға болмайтынына назар аударуға шақырды.

Сонымен бірге, қазіргі уақытта, Гроссидің айтуынша, атом электр станциясы қалыпты жұмыс істеп тұр.