Париж тұрғыны 1 миллион еуро тұратын Пикассо картинасын ұтып алды

Париж тұрғыны 1 миллион еуро тұратын Пикассо картинасын ұтып алды. Бұл Пабло Пикассоның 1941 жылы салған «Әйел басы» туындысы, деп хабарлайды Arbat.Media.

Картина Christie's ұйымдастырған қайырымдылық лотереясында ойнатылды. Нәтижесінде Париж тұрғыны Ари Ходара жеңімпаз болды. Ол 100 еуролық билетті соңғы сәтте сатып алған екен. Оған ұтыс туралы хабарласқанда, алаяқтар алдап отыр деп ойлаған.

Лотерея алдында 120 мыңнан астам билет сатылып, шамамен 11 миллион еуро жиналды. Жиналған қаражат Альцгеймер ауруын зерттеуге бағытталмақ.