Павел Дуров Telegram-да модерацияны жақсартуға уәде берді

Павел Дуров Telegram-да модерацияны жақсартуға уәде берді. Мессенджердің негізін қалаушы осы жылы модерацияны «сын аймағынан мақтау аймағына» жылжыту ниетін білдірді. Бұл туралы ол Telegram желісіндегі жазбасында жазды, - деп хабарлайды Arbat.media.

Дуров жақында Францияда ұсталды, оған ұйымдасқан қылмысқа қатысты бірнеше айып, соның ішінде билікпен ынтымақтастықтан бас тарту және есірткі мен балалар порнографиясын таратуға қатысы бар деген айып тағылды.

Көп ұзамай ол қамаудан босатылды.

«Telegram қолданушыларының 99,999%-ының қылмысқа еш қатысы жоқ, бірақ заңсыз әрекеттерге қатысқан 0,001%-ы бүкіл платформа үшін жаман имидж тудырады, бұл біздің миллиардқа жуық қолданушыларымыздың мүддесіне қауіп төндіреді», - деді Дуров.