Путиннің Қорғаныс министрлігіндегі туысы санкциялар астында қалды

Путиннің Қорғаныс министрлігіндегі туысы АҚШ санкцияларының астында қалды.  2024 жылдың маусымынан бері Ресей Федерациясы Қорғаныс министрінің орынбасары қызметін атқарған Анна Цивилева Қорғаныс министрлігіндегі әріптестері Павел Фрадков, Андрей Булыга, Александр Фомин және Виктор Горемыкинмен бірге Американың санкциялық тізіміне қосылды, - деп хабарлайды Arbat.media.

Анна Цивилеваның әкесі Евгений Путин, агенттік тергеушілерінің айтуынша, Владимир Путиннің немере ағасы. Шенеунік 2023 жылдың желтоқсанынан бері еуропалық санкциялардың астында.

АҚШ-тың жаңа санкцияларына шина өндіруші Cordiant, Chip and Dip компаниясы, Звезда ғылыми-өндірістік кәсіпорны және Мәскеу авиация институты да кірді.