Ресейдің атқылауынан Украинада 28 адам қаза тапты

Ресей Федерациясының атқылауынан Украинада 28 адам қаза тапты.  Бұл туралы Украинаның төтенше жағдайлар жөніндегі мемлекеттік қызметі (ТЖҚҚ) хабарлады. Оның мәліметінше, Киевте 17 адам, Днепропетровск облысында 11 адам қаза тапқан. 112 адам зардап шекті, 50-ден астам азаматтық нысан, соның ішінде тұрғын үйлер мен екі медициналық мекеме зақымданды, - деп хабарлайды Arbat.media.

Украина қауіпсіздік қызметі Киевтегі «Охматдет» балалар ауруханасына шабуылдың Х-101 зымыранымен жасалғанын хабарлады. SBU Telegram арнасында зымыран қалдықтарын көрсетті.

Украина президенті Владимир Зеленский шабуылға байланысты БҰҰ Қауіпсіздік кеңесінің отырысын шақыруда.