Шетелдік тұрмыстық техника компаниялары Ресейге параллель импортқа тосқауыл қойды

Electrolux, Tefal, Braun және Rowenta өз жабдықтарының Ресейге параллель импортына тосқауыл қоюда. «Коммерсант» жазғандай, бұл компаниялар басқа елдердің серіктестерімен Ресейге электрониканың реэкспортына мораторийге қол қойып жатыр, - деп хабарлайды Arbat.media.

Мысалы, швед Electrolux Group (тұрмыстық техника Electrolux, Zanussi, AEG брендтері) қазірдің өзінде Ресей Федерациясына өз өнімдерінің параллельді импортын шектеді, дейді M.Video-Eldorado тобының бас атқарушы директоры Сергей Ли.

Groupe SEB (Tefal, Braun, Rowenta) да параллель импорт арқылы жеткізілімдерді қадағалай бастады.

Сатушылар брендтердің сатылымнан мүлде жоғалып кетуін күтіп, олардың орнына түрік және қытай тауарлары келеді деп болжайды, деп жазады газет.