Ыстамбұлда католик шіркеуіне жасалған шабуылдан бір адам қаза тапты
Түркия Ішкі істер министрлігінің хабарлауынша, бүгін бетперде киген екі адам Ыстамбұлдағы Әулие Мария шіркеуінде жексенбілік ғибадатқа келушілерге шабуыл жасаған, - деп хабарлайды Arbat.media.
Түркияның ішкі істер министрі Али Йерликая: "Біз бұл жантүршігерлік шабуылды қатаң түрде айыптаймыз" деді.
Шенеуніктердің айтуынша, шабуыл салдарынан кем дегенде бір адам қаза тапқан.
Полицейлер қылмыскерлерді іздестіруде, олар қашып үлгерді.
Рим Папасы Франциск шабуылға ұшыраған шіркеуге қолдау білдірді.
Өткен жылдың желтоқсан айында түрік барлау қызметі елде "Ислам мемлекеті" ұйымында жұмыс істейді деген күдікпен 32 адамды ұстаған.
Тергеушілердің айтуынша, олар синагогалар мен христиан шіркеулеріне, сондай-ақ Ирактың Түркиядағы елшілігіне шабуыл жасауды жоспарлаған.