Түрік полициясы 1 мамырда наразылық білдірген ондаған адамды ұстады

Халықаралық еңбек күніне байланысты Ыстамбұлда жаппай шерулер өтті. Франс Пресс агенттігінің хабарлауынша, жергілікті билік қаланың басты алаңы Таксимде наразылық шерулерін өткізуге тыйым салған. Бешіктас аймағында полиция «Таксимге тыйым салуға болмайды» деп айқайлаған кемінде 30 адамды ұстады, - деп хабарлайды Arbat.media.

Ыстамбұлдың Сисли ауданында тағы 30 адам ұсталды, деп хабарлайды агенттік тілшісі.

Қалада қоғамдық көліктер тоқтап, негізгі жолдар жабылғаны атап өтілді.

Түркиядағы ең ірі оппозициялық күш – Республикалық халық партиясының жетекшісі Өзгур Өзел «Таксим азат етілгенге дейін» күресті жалғастыратынын айтты.