Түркияда мектепте атыс болып, 16 адам жараланды

Оқиға Шанлыурфа провинциясының Сиверек қаласындағы кәсіптік-техникалық мектепте болған. Атыс қаруын 17 жастағы, осы мектепте бұрын оқыған жасөспірім қолданған,деп хабарлайды Arbat.Media.

Ол алдымен мектеп ауласында, кейін ғимарат ішінде оқ атқан. Салдарынан 12 оқушы, екі мұғалім және екі тұрғын жарақат алған.

Кей оқушылар терезеден секіріп, мектептен қашып шыққан. Оқиға орнына арнайы жасақ келгенімен, жасөспірім өзіне қол жұмсаған.

Алдын ала мәлімет бойынша, атысқа оның досымен арадағы жанжалы себеп болуы мүмкін. Қазір мектепте төтенше жағдай қызметтері жұмыс істеп жатыр, оқушылардың басым бөлігі эвакуацияданған.