Украина: Әскерге шақыру жасы мен жалтарушылар құқығын шектеу
Украинада әскерге шақыру жасын қысқартқысы келеді және әскерден жалтарушылардың құқықтарын шектемек, - деп хабарлайды Arbat.media.
Осындай ұсынысы бар заң жобасы Жоғарғы Раданың қарауына жіберілді.
Ұсынылып отырған түзетулерге сәйкес, әскерге шақырудың шекті жасын 27-ден 25 жасқа дейін қысқарту жоспарлануда. Осыдан кейін ерлер әскерге шақыруға емес, жұмылдыруға жатады. Соғыс жағдайы кезінде әскери қызмет өткерген және запасқа алынған, сондай-ақ тұтқыннан босатылған әскери қызметшілер екі жыл бойына жұмылдыруға жатпайды.
Сондай-ақ, заң жобасында әскери қызмет өткеруге міндетті әрбір тұлғаның, оның ішінде шетелде тұратындардың электрондық есепке алу құжатын жасау қарастырылған.
Әскери қызметтен жалтарғандардың – шетелге шығу, жүргізуші куәлігін алу, мүлікпен мәміле жасау, мемлекеттен несие және жеңілдіктер беру құқықтарын шектеу ұсынылып отыр.
Бұған дейін Украинаның әскери қолбасшылығы Украина қарулы күштеріне шамамен 450-500 мың адамды жұмылдыру қажеттігін мәлімдеген.