WSJ: АҚШ пен Қытай ядролық қаруды бақылауды талқылайды

WSJ: АҚШ пен Қытай ядролық қаруды бақылауды талқылайды, - деп хабарлайды Arbat.media.

Америкалық және қытайлық делегациялардың кездесуі 6 қарашаға жоспарланған.

Бұл Обама әкімшілігінен кейінгі мұндай алғашқы келіссөздер, деп жазады The Wall Street Journal.

Қытай делегациясын Қытай сыртқы істер министрлігінің қару-жарақ бақылау департаментінің басшысы Сунь Сяобо, ал америкалық делегацияны Мемлекеттік департамент өкілі Мэллори Стюарт басқарады.

WSJ журналистері Вашингтон осы кездесуде Бейжің және Мәскеумен үшжақты қарулану жарысында өз ұстанымын нығайтуға тырысады деп болжайды.

Қыркүйек айында басылым Қытай мен Ресейдің гипер дыбыстық қару жасаудағы табыстары мен Пентагонның осы саладағы сәтсіздіктері туралы айтқан зерттеуін жариялаған болатын.