Жалпыеуропалық телефон алаяқтары желісі әшкере болды

Германия мен бірнеше Балқан елдерінің тергеу органдары алты айға созылған тергеуден кейін бес елде 20 күдіктіні ұстады. Алаяқтық желіге қосылған 12 байланыс орталығы жойылды. Германия билігі күдіктілердің әрекетін «Еуропадағы ең ірі телефон алаяқтығы» деп атады, - деп хабарлайды Arbat.media.

Ұсталған колл-орталықтың қызметкерлері алдаудың түрлі әдісін қолданды: өзін жақын туыстары, банк қызметкерлері, полиция қызметкерлері немесе тұтынушылардың құқықтарын қорғау қоғамының қызметкерлері деп таныстырып, жәбірленушілерге қандай да бір ойдан шығарылған құқық бұзушылық үшін жазаланатынын айтып, ұтысқа уәде беріп немесе қарыздарын төлеуді талап етіп келген.

Германия бойынша қылмыскерлер мен жәбірленушілер арасындағы телефон сөйлесулерін нақты уақыт режимінде бақылай отырып, тергеу тобы шамамен 10 миллион еуро шығынның алдын алды.