«13 адам қаза тапқан хостелдегі өрт»: Сот үкімі шықты

13 адам қаза тапқан хостелдегі өртке қатысты сот үкімі шықты, деп хабарлайды Arbat.Media.

Сот үкіміне сәйкес, сотталушылар кінәлі деп танылып, Әділбек Мұхамедияров 5 жылға, ал Александр Пекельник 4 жылға бас бостандығынан айырылды. Сот жәбірленушілер саны мен айыпталушылардың табысын ескеріп, әрқайсысына 7 миллион теңгеден моральдық өтемақы тағайындады.

Екі сотталушы да сот үкіммен келіспейтінін айтып, апелляциялық шағым түсіретіндерін мәлімдеді.

Еске салайық, хостелдегі өрт 2023 жылдың 30 қарашасында болды. Қайғылы оқиғадан 13 адам қаза тапты. Олардың төртеуі – шетел азаматтары. Қызыл жалын тұтанған кезде хостелде 72 адам болған.