«143 мың жолаушы»: Алматы метросы жаңа рекорд орнатты

Алматы метросы жаңа рекорд орнатты, деп хабарлайды Arbat.Media.

30 қыркүйек күні Алматы метрополитені тарихындағы жаңа рекорд тіркелді. Бұл күні метро қызметін 142 932 жолаушы пайдаланды.

Рекорд «Қайрат» пен «Реал Мадрид» арасындағы тарихи матч өткен күні орнатылды. Қала тұрғындары мен қонақтарының көпшілігі орталық стадионға жету үшін метроны таңдаған.

Айта кетейік, бұған дейінгі ең жоғары көрсеткіш 3 қыркүйекте тіркелген болатын. Ол кезде метроны бір күнде 117 мың адам пайдаланған еді.