28 сәуірге арналған ауа райы болжамы

Бүгін еліміздің басым бөлігінде ауа райы жауын-шашынды болады, деп хабарлайды Arbat.media.

Қазақстанның солтүстігінде, солтүстік-батысында қатты жаңбыр жауады, батыс және орталық аймақтарда бұршақ жаууы мүмкін. Республика бойынша жел күшейіп, оңтүстікте, оңтүстік-батыста, солтүстік-батыста шаңды дауыл соғады.

Қызылорда, Түркістан, Маңғыстау, Жамбыл, Ақтөбе, Атырау және Алматы облыстарында жоғары өрт қаупі сақталады.

Астанада жаңбыр жауады. Күндіз ауа температурасы +25+27°C, желдің жылдамдығы 9-14, күндіз 15 м/с-ге жетеді.

Алматыда күн ала бұлтты. Күндіз ауа температурасы +29+31°C, желдің жылдамдығы 3-8 м/с.

Шымкентте күн бұлтты. Күндіз ауа температурасы +34+36°C, желдің жылдамдығы 8-13, күндіз 15-20 м/с.