8-сынып оқушысы әкесінің көлігін ұрлап, көшедегі қызды қағып кетті

8-сынып оқушысы әкесінің көлігін ұрлап, көшедегі қызды қағып кетті, деп хабарлайды Arbat.Media.

Маңғыстау облысында 8-сынып оқушы көлік тізгініне ие бола алмай, адам қағып кетті. Ол ата-анасының көлігін ұрлап кеткен.

Жол апаты 25 шілде күні таңғы алты шамасында болған. Газель жүк көлігіндегі адам жаяу жүргіншілер жолына шығып, қызды қағып кеткен. Кейіннен жүк көлігін 15 жастағы оқушы айдағаны белгілі болды. Полицияның мәліметінше, ол көлікті ата-анасынан ұрлап кеткен.

Зардап шеккен 2011 жылы туған қызға шұғыл ота жасалды. Ол бес күн жансақтау бөлімінде ес-түссіз жатты. Жәбірленуші қыз түтік арқылы тамақтанады және денесін қозғалта алмайды.

Көлік тізгіндеген жасөспірімнің ата-анасына қатысты әкімшілік және қылмыстық істер қозғалды.