9 жыл іздеуде жүрген қылмыскер табылды

Өскемен әуежайында тоғыз жыл бойы іздеуде жүрген алаяқ ұсталды, деп хабарлайды Arbat.media.

Бұл туралы Шығыс Қазақстан облысының полиция департаменті мәлімдеді.

38 жастағы қазақстандық 5 млн теңгеге жуық алаяқтық жасады деп күдікке ілінген. Ол 2016 жылдан бері іздеуде жүрген еді.

«Қылмыстық іс материалдарына сәйкес, ер адам алдау арқылы ақша ұрлады деген күдікке ілініп, іздестірілді. 9 жыл бойы ер адам тұрғылықты мекен-жайын ауыстырып, қоғамдық орындардан тасада өмір сүрген», – деп хабарлады ведомство.